చారిత్రక ఆధారాలు

 చరిత్ర గురించి చెప్పాలన్నా, వ్రాయాలన్నా ఏదో ఒక ఆధారం కావాలి. జీవ పరిణామ క్రమాన్ని వివరించినా అందులో మానవ పరిణామ క్రమాన్ని వివరించినా ఆయా కాలాల్లో లభించిన శిలాజాలను బట్టి ఒక అంచనాకు వచ్చేవారు. అంత దూరం వెళ్లకుండా కనీసం మానవుడు వ్యవసాయాన్ని ప్రారంభించి స్థిర నివాసం ఏర్పర్చుకున్నప్పటి నుండయినా అప్పుడేమి జరిగిందో భావితరాలు తెలుసుకోవడానికి వారు రాళ్ళపైన చెక్కిన చిత్రాలు గీతలు వారు ఉపయోగించిన వస్తువులు, శిధిలమైన ఇళ్ళు కొంత వరకు సాక్షీ భూతమై నిలిచాయి. కాని భాష తెలిసిన దగ్గర్నుండి కూడా లిపి లేకపోవడం వలన అప్పటి సంఘటనలకు శాశ్వతత్వం కలిగించే అవకాశం అప్పటి వారికి లేకపోయింది.

ఒద్దుల రవిశేఖర్